مصنوعی ذہانت کے دور میں سافٹ اسکلز کی اہمیت

شارق علی
ویلیوورسٹی

جیسے جیسے مصنوعی ذہانت ترقی کر رہی ہے، ویسے ویسے بہت سے وہ کام جو پہلے صرف انسان انجام دیتے تھے—جیسے معلومات کا تجزیہ، ریاضی کے پیچیدہ مسائل حل کرنا، یا فزکس کے مسائل کو سمجھنا—اب مشینوں کے ذریعے زیادہ مؤثر طریقے سے کیے جا رہے ہیں۔ آج کے دور میں اے آئی بے شمار معلومات کو تیزی اور درستگی سے پروسیس کر سکتی ہے، جس کے باعث محض تکنیکی مہارت کافی نہیں رہے گی۔

لیکن سافٹ اسکلز—وہ انسانی صلاحیتیں جنہیں مشینیں نقل نہیں کر سکتیں—مستقبل میں کہیں زیادہ اہم ہو جائیں گی۔ پیش قدمی (Proactivity) کسی بھی چیلنج کو پہلے سے سمجھ کر اس کے حل کے لیے کام کرنے کی صلاحیت ہے، جبکہ پرو سوشل رویہ ٹیم ورک اور جذباتی ذہانت کو فروغ دیتا ہے۔ اسی طرح، ضبطِ نفس، دیانت داری اور مضبوط کردار کامیابی کی ضمانت بنیں گے۔

ورلڈ اکنامک فورم کی رپورٹ Future of Jobs Report کے مطابق، 2030 تک آجروں کے لیے جذباتی ذہانت، قیادت، اور سماجی اثر و رسوخ تکنیکی مہارتوں سے زیادہ اہم ہو جائیں گے۔ مصنوعی ذہانت کے اس دور میں، کامیابی کا دار و مدار ان ہی انسانی خصوصیات پر ہو گا۔